မြန်မာနိုင်ငံရဲတပ်ဖွဲ့၊ ရဲအရာရှိလေ့ကျင့်ရေးကျောင်းတွင် နှစ်သစ်ကူးမဟာသင်္ကြန်အတက်နေ့ပွဲတော်ကို ရဲအရာရှိလေ့ကျင့်ရေးကျောင်း၊ ဗဟိုခန်းမရှိ ဗဟိုရေကစားမဏ္ဍပ်၌ ၂၀၁၇ ခုနှစ် ဧပြီလ ၁၆ ရက်နေ့ (၁၃၇၉ ခုနှစ်၊ တန်ခူးလဆုတ် ၅ရက်) နံနက် (၀၈၃၀) အချိန်တွင် ကျင်းပပြုလုပ်ခဲ့ရာ ရဲအရာရှိလေ့ကျင့်ရေးကျောင်း ကျောင်းအုပ်ကြီး ယာယီရဲမှူးချုပ် ၀င်းမြင့်စိုးနှင့်ဇနီး၊ ဒုတိယကျောင်းအုပ်ကြီးနှင့်ဇနီး၊ ဌာနခွဲမှူးများ၊ သန္ဓေတပ်ဖွဲ့ဝင်မိသားစုနှင့် သင်တန်းသား/သင်တန်းသူများ တက်ရောက်ခဲ့ကြပါသည်။
နှစ်သစ်ကူးမဟာသင်္ကြန်ပွဲတော် သင်္ကြန်အတက်နေ့ အခမ်းအနားသို့ရောက်ရှိလာသော ကျောင်းအုပ်ကြီး ယာယီရဲမှူးချုပ် ၀င်းမြင့်စိုးနှင့်ဇနီးအား ဒုတိယကျောင်းအုပ်ကြီးနှင့်ဇနီး၊ ဌာနခွဲမှူးများ၊ သန္ဓေတပ်ဖွဲ့ဝင်မိသားစုများ၊ သင်တန်းသား/သင်တန်းသူများမှ သင်္ကြန်ရေအား သပြေခက်ဖြင့် ပက်ဖြန်းကာ ကြိုဆိုခဲ့ကြပြီး သင်တန်းသား/သင်တန်းသူ များမှ သင်္ကြန်သီချင်းများသီဆို၍ ကပြဖျော်ဖြေခဲ့ကြပါသည်။ ထို့နောက် ကျောင်းအုပ်ကြီးမှ သင်တန်းသား/သင်တန်းသူ များအား တပ်ခွဲတစ်ခွဲလျင် ၁၀၀၀၀၀ိ/- စီဖြင့် တပ်ခွဲ (၃)ခွဲအတွက် ၃၀၀၀၀၀ိ/-၊ တီးဝိုင်းအဖွဲ့အား ဆုငွေ ၅၀၀၀၀ိ/- ပေးအပ်ချီးမြှင့်ခဲ့ကြောင်းနှင့် ၀၉၀၀ အချိန်တွင် မြနန္ဒာသင်္ကြန်တေးသီချင်းအား စုပေါင်းသီဆို၍ ရဲအရာရှိလေ့ကျင့်ရေးကျောင်း၏ မြန်မာ့နှစ်သစ်ကူးမဟာသင်္ကြန်ပွဲတော်အား အောင်မြင်စွာပိတ်သိမ်းခဲ့ကြောင်း သတင်း ရရှိပါသည်။
No comments:
Post a Comment