မြန်မာနိုင်ငံရဲတပ်ဖွဲ့၊ ရဲအရာရှိလေ့ကျင့်ရေးကျောင်း၊ ဒုတိယရဲအုပ်လောင်းသင်တန်း အမှတ်စဉ် (၉၄/၂၀၁၈) ရဲသီဟတပ်ခွဲ၊ သင်တန်းဆင်းလက်မှတ်ပေးအပ်ခြင်း အခမ်းအနားကို ၂၀၁၉ခုနှစ်၊ဧပြီလ ၂၆ ရက်နေ့ (၁၂၀၀)အချိန် ဗဟိုခမ်းမ၌ ကျင်းပရာ မြန်မာနိုင်ငံနိုင်ငံရဲတပ်ဖွဲ့ဌာနချုပ်၊ ရဲရာထူးခန့်ချုပ် ရဲမှူးချုပ် ဇော်မိုးသန်း တက်ရောက် အမှာစကားပြောကြားကာ သင်တန်းဆင်းလက်မှတ်များအား ပေးအပ်ချီးမြှင့်ခြင်း၊ တပ်စိပ်ချေမှုန်းရေး ထူးချွန်ဆုရရှိသည့် တပ်စိပ်အမှတ်(၁၈)မှ တပ်စိပ်ခေါင်းဆောင် ကျောင်းသားအမှတ် (၁၁၁) ဒုတိယရဲအုပ်လောင်း ထွန်းမြတ်ခိုင်၊ ရဲကျင့်ဝတ် ဘာသာရပ် ထူးချွန်ဆုရရှိသည့် ကျောင်းသားအမှတ် (၁၈၁)၊ ဒုတိယရဲအုပ်လောင်း မိုးမင်းထွန်း တို့အား ကျောင်းအုပ်ကြီး ယာယီရဲမှူးချုပ် ဟန်ထွန်းမှ ဆုများပေးအပ်ချီးမြှင့်ခဲ့ပါသည်။
သင်တန်းဆင်းလက်မှတ်ပေးအပ်ပွဲ အခမ်းအနားသို့ တိုင်းဒေသကြီးရဲတပ်ဖွဲ့မှူးများ၊ ရဲအရာရှိလေ့ကျင့်ရေး ကျောင်းမှ ဒုတိယကျောင်းအုပ်ကြီး၊ နည်းပြမှူးချုပ်၊ဌာနမှူး၊ဌာနခွဲမှူးများ သင်တန်းဆင်း အရာရှိများ၏ မိဘ ဆွေမျိုးများနှင့် သင်တန်းဆင်းအရာရှိ စုစုပေါင်း (၃၀၅)ဦး တက်ရောက်ခဲ့ကြပါသည်။
No comments:
Post a Comment