တပ်တွင်းစည်းရုံးရေးနှင့် စည်းကမ်းထိန်းသိမ်းရေးကော်မတီ၏ တပ်ဖွဲ့အတွင်း လစဉ်ဆွေးနွေးပွဲနှင့် ဆန္ဒဖော်ထုတ်ပွဲ (၇/၂၀၁၉) ကျင်းပ

၅.၇.၂၀၁၉ ရက်နေ့ ၁၃၀၀ အချိန်မှ ၁၄၀၀ အချိန်ထိ မြန်မာနိုင်ငံရဲတပ်ဖွဲ့၊ ရဲအရာရှိလေ့ကျင့်ရေးကျောင်း၊ ဗဟိုခန်းမတွင် တပ်တွင်းစည်းရုံးရေးနှင့် စည်းကမ်းထိန်းသိမ်းရေးကော်မတီ၏ တပ်ဖွဲ့အတွင်း လစဉ်ဆွေးနွေးပွဲနှင့် ဆန္ဒဖော်ထုတ်ပွဲ (၇/၂၀၁၉) အခမ်းအနားကျင်းပရာ အခမ်းအနားသို့ ကျောင်းအုပ်ကြီး ယာယီရဲမှူးချုပ် ဟန်ထွန်း တက်ရောက်အဖွင့်အမှာစကားပြောကြားပြီးနောက် ရဲအုပ် မင်းဆွေမှ (၁၅.၆.၂၀၁၉) ရက်နေ့ထုတ် မြန်မာ့အလင်းသတင်းစာပါ ဆောင်းပါးရှင် ဒေါက်တာသိန်းထွန်း (ပြည်သူ့ကျန်း မာရေးဖောင်ဒေးရှင်း) ရေးသားသော ဆေးလိပ်နှင့်အဆုတ်ကျန်းမာရေး ခေါင်းစဉ်နှင့် ရဲအုပ် မင်းဆွေ၏ဇနီး ဒေါ်နီနီဝင်းရွှေမှ (၃၀.၅.၂၀၁၉)ရက်နေ့ထုတ် ကြေးမုံသတင်းစာပါ ဆောင်းပါးရှင် ပါမောက္ခဒေါက်တာမောင် ရေးသားသော နှလုံးသွေးကြောကျဉ်းရောဂါ ဖြစ်နိုင်ခြေအလားအလာ ခေါင်းစဉ်အား ဖတ်ကြားဆွေးနွေးခဲ့ကာ အခမ်းအနားသို့ ဒုတိယကျောင်းအုပ်ကြီး၊ ဌာနမှူး(လေ့ကျင့်ရေး)၊ ဌာနမှူး (စာပေ)၊ ဌာနခွဲမှူးများနှင့် အရာရှိ (၇၀)ဦး၊ အခြားအဆင့်၊ စာရေး၊ ကျန်းမာရေးဝန်ထမ်း (၉၇)ဦး၊ မိသားစု (၈၇)ဦး၊ စုစုပေါင်း (၂၅၄)ဦး တက်ရောက်၍ ဆန္ဒဖော်ထုတ်ပွဲအား ဆောင်ရွက်ခဲ့ပါသည်။